Har aik dil ko talab har aik dil sawali
Keh shehr-e-husan main jalwon ki kehet saali hai
Kahan hai dost keh aashob-e-deher se main ne
Tere kheyal ki aasudgi bacha li hai
Bata raha hai fiza ka aatoot san'nata
Ofek se phir koi andhi uterne wali hai
Laraz rehe hain shagoofey chaman main khilte hoey
Hina-e-dast-e-saba main lahoo ki lali hai
Peo sharab keh naseh ne zeher bhee de kar
Hamari ojrat-e-rindana bhee aazma li hai
Phir aaj dana-e-gandam ke silsiley main FARAZ
Kisi khuda ne meri khuld bech dali hai
Past this on: Facebook
No comments:
Post a Comment